El Requexu la Llingua

Bono, ya sabéis tamién que nestos díes en casa ye perimportante y mui necesario facer un poco d'exerciciu pa mantener el cuerpu y la mente en forma. Poro, mándovos esti enllaz que me paeció entreteníu pa facer deporte en familia y de pasu deprender vocabulariu de les partes del cuerpu n'asturianu. Espero que vos preste.                                                           https://youtu.be/zpp0LYkqaPs Y como, en 24 hores que tien el día, tien qu'haber tiempu pa too.....agora ye'l momentu d'entretenese y dexar aparcaos los deberes. Equi vos dexo un capitulín de Los Bolechas y otru de El faru d'Illán. https://youtu.be/hR0yb__nlSI https://youtu.be/UQpzKXD2qc0

Hola a toes y toos otra vegada más. Espero que téis bien. Ayeri foi el primer día que pudisteis salir a pasiar dempués de munches xornaes encerraos en casa y supongo que vos prestaría abondo y lo disfrutaríeis muncho; pero, ya sabéis........ munchu curiáu y precaución que'l bichu entovía anda sueltu. Bono, güei voi dexavos la semeya d'un güevu pintu que se nos quedó perehí un poco despistáu, pero nun se nos escaeció, asina qu'equí tenéis el güevu de Leo, de 3ºA. A ver si lo que ta pintao n'él conseguímoslo enseguidina, ello ye la vacuna escontra'l coronavirus.                                                       Perguapu Leo. ¡Munches gracies! Tamién quería enseñavos güei unes semeyes que me mandó Pablo, un escolín de 1ºB, que tien muncha suerte de vivir nun pueblu, Pero, nun penséis que ye too tan guapo eh; que nos pueblos trabáyase asgaya. N...

Bonos díes rapacinos y rapacines         ¡¡FELIZ DÍA DEL LLIBRU!! Espero que sigáis aguantando l'encierru como los campeones que sois. Ya vos queda un poco menos, el llunes ya vais poder salir a dar esi paseín tan ansiáu, pero..... ya sabéis, con munchísima prudencia. Equí vos dexo un cuentín, a ver si vos presta. https://drive.google.com/open?id=11u2G1TqCEOiSgLK-dckii2mmz5Eoe3Ju

Hola a toos y toes otra vegada más. Güei, vuelve a ser Güevos Pintos, pero nesta ocasión en Sieru, conceyu averáu a Llangréu. Asina, que vamos xuninos a la cellebracíón coles semeyes que mos seguíis mandando y que mos presten tanto anque sea dende casa. Si vos paez, vamos a ello..... Entamamos con Yeyo, de 6ºA, qu'amás d'enseñanos el Güevu que fizo, tamién mos manda semeya d'un bollu de Pascua mui, mui especial. Mirái... ¡¡¡¡El coronabollu 2020!!!! Pos si que ye especial, Yeyo. ¿Y sabéis por qué?....Esti, a la contra d'esi bichón llamáu coronavirus que mos tien a toos encerraos en casa, esti, ye perbonu, pué comese y amás ye dulce. MMMMMM que ricu!!!! Gracies por compartilu con nos. Agora vamos con otra escolina un poco más pequeña pero que fizo un Güevu igual de guapu que tolos anteriores. Ella ye Celia, que va a 2ºB. Equí lu tenéis:  Gracies Celia....¡perguapu! Vamos con otra familia, si, digo familia porque nesta ocasión participaron los papis ...

Entamamos a poner nesti requexu de la llingua los güevos que fuisteis faciendo estos díes. Entovía mos mandasteis pocos, asina que siguimos animándovos a que faigais esta actividá que ye mui prestosa y seguro va tenevos entreteníos un bon ratu del día. Yo, pola mio parte, comprométome a facer ún, y seguro qu'Alicia failu tamién. El primer güevu que vais ver ye de Rubén Sánchez de 6ºB qu'amás esplícanos d'onde vien esa moda de pintar güevos. Equí lu tenéis: El que va darréu fízolu Alba Cortijo de 2ºA Tan perguapos ¿nun vos paez? Agora vamos cola otra alternativa que vos dábamos, que son los güevos cocíos y decoraos. Estos que vais ver ficiéronlos María de 5ºB y los sos pas: Y estos otros son de les hermanes, Valeria de 1ºB y Lucía de 6ºB, con mensaxe y too: Estos, tampoco se .queden atrás en guapura. Tán prestándonos abondo tolos güevos que mandáis. Munches gracies y esperamos recibir más nestos díes. Ah, y alcordaivos, los pas pod...

¡¡¡ FELIZ DÍA DE GÜEVOS PINTOS!!! Hola a toes y toos. A pesar que tengamos que seguir confinaos, Alicia y yo queríamos que nun vos escaeciérais del día que ye güei, anque nun lo podamos cellebrar na cai; y por eso queríamos felicitavos a toos y transmitivos munchu ánimu. Cada día que pasa, queda unu menos pa que podamos volver a venos. Decivos tamién que ya nos van llegando dalgunes semeyes colos güevos que decorasteis, pero tamos deseoses de ver más, asina que.....¡¡ animaivos!! Diremos publicando los vuestros trabayos a lo llargo desta selmana.

Hola a toos y toes. Otru día más de confinamientu que superamos y, últimu día de clase dende casa, porque a partir de mañana teneis les vacaciones de Selmana Santa. Unes vacaciones que van ser un poco diferentes, pero, de toles maneres intentai pasales lo meyor posible. Pa estos díes, Alicia y yo queremos proponevos una actividá (nun ye algo obligatorio, pero si nos prestaría que participarais nesto). Cuéntovos.... Como esti añu nun vais poder cellebrar los Güevos Pintos, proponémosvos que, pa que nun escaezais esta folixa tan típica de Llangreu y tamién de Sieru; que faigais en casa ¡un güevu pintu!. Si, lleisteis bien, UN GÜEVU PINTU. Y entrugaréisvos ¿y cómo lo facemos? Pos bien, agora vos lo esplicamos. Podeis facelo de delles formes: de manera tradicional, ye dicir, con un güevu de verdá cocíu; otra manera sería nuna fueya dibuxar el güevu y decoralu al gustu de caún y caúna, el que nun s'atreva col güevu de verdá. Tamién podéis facer el güevu con plastilina, pasta de sal,...

Mándovos otru enllaz que vos puede resultar interesante. Va entamar a emitise na TPA un programa educativu nel que tamién dexen un güequín pa la llingua asturiana. Equí vien tola información. http://asturies.com/noticies/tpa-va-emitir-un-espaciu-educativu-duna-hora-con-guecu-pal-asturianu

Hola otra vegada más, rapacinos y rapacines; ¿cómo lo vais llevando?, Esperamos que sigais toos bien, dientro de la situación que mos ta tocando vivir. Pa que lo lleveis un poco meyor, güei Alicia y yo vamos mandavos un enllaz d'un cuentín perprestosu. Bueno, tengo que decivos que, a lo meyor, a los más mayoronos nun vos gusta muncho, pero, fixaivos bien nel conteníu del cuentu porque dalgo tien que ver colo que tamos pasando estos díes. Munchu puxu!! https://m.facebook.com/story.php?story_fbid=3143127169244947&id=1517322565158757