El Requexu la Llingua

Hola a toos y toes. Güei entramos na tercera selmana de confinamientu y, aunque sabemos qu'esto ye perdifícil pa toos, dende l'área de Llingua Asturiana queremos seguir mandándovos cosines prestoses pa que paseis estos díes de la meyor manera posible.  Poro, unviámosvos un tebéu de lo más entretenío, onde los personaxes son los seres mitolóxicos qu'esisten la nuestra Asturies.  Esperamos que vos preste. Un saludu candial. https://drive.google.com/open?id=10WOBVATlbKsC4hJOzjILm5DjSdnHx1lB

La editorial VTP, que ye la que publica los llibros d'asturiano de Pitín, Esguil y Tolina, polos cuales nos guiamos nel cole pa facer les programaciones de Llingua Asturiana, pon a disposición de los escolinos y escolines los sos llibros dixitales de forma gratuita. Nellos atoparéis actividaes sobre los conteníos que vamos dando en clas, cuentos y canciones. Pitín 1 y Pitín 2 son los que correspuenden a 1º y 2º de primaria, los demás son los correspondientes a 3º, 4º, 5º y 6º. Equí vos dexamos l'enllaz que vos esplica tolos pasos que debéis dar p'abrir los llibros dixitales: http://www.formientu.com/noticies/vtp-ufre-materiales-escolares-pa-continuar-cola-ensenanza-del-asturianu/

Hola, a tolos escolinos y escolines de Llingua Asturiana del cole. Bienallegaos a esti nuevu blog que acabamos de crear les profes d'asturiano del cole; Alicia (3º, 4º, 5º y 6º de primaria) y Susana (1º y 2º de primaria). Lo primero de too queremos davos munchos ánimos nestos díes d'encierru forzáu y que penséis qu'esto ye pasaxero y enseguidina volveremos a la normalidá. La finalidá d'esti blog ye poner a la vuestra disposición recursos y materiales de llingua asturiana pa que podais repasar los conteníos daos, y tamién entretenevos con diferentes xuegos o series de dibuxos, a la vez que deprendeis.